آنــآ كـلـي ألــم و أحــزاّإن

عدد الرسائل : 52 تاريخ التسجيل : 30/10/2007

تسولف لي عن الضيقه وانا كلي ألم وأحزان
وأنا من وين ما ناظر بعيني شفت ضيقاتي

تسولف لي عن الضيقه وأنا عنوان للحرمان
دخيلك لا دخيل الجرح لا تكشف معاناتي

دخيلك لا تشجعني أسولف وأكسر الكتمان
تعبت من السكوت اللي تعود يسكن بذاتي

عليم الله ما فيني شبر يضحك فرح وأشجان
وأنا لو جيت ابضحك لك أجيك أضحك بدمعاتي

حياتي شعرن وشاعر وجمهوري بقايا انسان
ونــقادي زمن قـاسـي ولا يـفهم كتابـاتـي

أناظر للبشر حولي أحد يضحك أحد طربان
وأنا صعبن علي أضحك أسايرهم بضحكاتي

عجزت أكذب على نفسي بفرحه ما بها ألوان
وحزني ما عجـز عني بـدا يرسـم نهاياتي

طريقي صعب وجروحي كثير وداخلي ضميان
أبي لو يـوم واحـد أحـاول أجمع شــتاتي

أنا قصه تبعثرت وتطايرت بزمن خوان
تعلمت أخسر البسمه وأداري عضة شفاتي

أبكتب لك وبالخط العريض وريشه الفنان
أنا الخسران توقيعي وانا الخسران بصماتي

أكمل لك عن الضيقه اكمل لك عن الأحزان
تـأكد لو بكمل لك تصــيح وتـطلب ســكاتي