ياجروحي أعذريني ولا تزعلي

عدد الرسائل : 24 تاريخ التسجيل : 29/10/2007

وش اللي أرجيه ،، واللي حصلّي
يوم جيته شوق ،، احساسه ردنّي

وش اللي لي !! وش اللي علي
وش اللي بجنيه !! لو قلبه شدنّي

غريبه !! كيف أفكر في التخلّي
و أنا كل ما فيني عليه ،، حدنّي

ياجروحي أعذريني ولا تزعلي
هذا العشق اللي بنيته ،، هدنّي

خذلني !! وذلني !! قلبه الخلي
يا الله ما أقساه ،، اللي صدنّي

ياقوي باسه ،، عايش عـ التسلّي
لا لي قدر ،، ولا افـ كونه عدنّي

المشكلة عديته بين الناس خلّي
وأعطيته ،، وهو عمره ما مدنّي

يا ليتني أمل ،، مثل ما يملّي
أو يا ليتني تهقويت إنه ودنّي

ولا يحصل لي ،، مثل ما حصلّي
ليتني حسيت ! واحساسي ردنّي