ابشر يا قلب ،،، دقاتك اليوم يبكونك!!!

تتعب ، ما تقدر تخلي طبعك يخونك
ابشر يا صاحبي ، مثلك اليوم خسران!!!

شوقك ماهو بكيفك واللي يعرفونك
يدرون الهوى مهما أخفيته ،،، يبان

ما أعذلك ،،، دامك تتبع ظنونك!؟!
ولا ني محسّرك لو رجعت ندمان

تدري الغلا ما هو بفرحة جنونك
الغلا ،،، كل العطا .. والجزا حرمان

العشق ،،، خفقه عليها يجبرونك
الحيره ،،، وغيره تموت من الكتمان

ابشر يا قلب ،،، دقاتك اليوم يبكونك!!!
دمع بالوريد يروي نبض ظميان

البكا صعب والأصعب غصة عيونك
حزين الدمع لا تحّدر ،،، مفارق خلان

واللي تحبهم حيل وتظنهم يحبونك
يدلون الما وينه ويتركونك عطشان

واللي لأجلهم تضحي باكر يخلونك
تندم على الماضي ، وتعيش الأحزان

واللي تغليهم حيل مردهم يرخصونك
يبيعونك عقب الغلا بأرخص الأثمان

هذا زمن ،،، عزيزينك فيه يذلونك
ويتوهونك بدروب لك فيها عنوان

أنا أبيك تنساهم دامهم ينسونك
ولا تخلي لك غالي في ها لدنيا انسان

عيش لنفسك وعيش للي يطرونك
ولا يهمك هذا راضي وهذا زعلان

أنا ما أبيك تتحسر ولا ابيهم يضايقونك
بدري عليك ضيقتك ببراح المكان

م/ن