قصيدة رثاء في عزيز فقدته

ألحروف اللي بفكري حايره
كيف أترجمها وانا كلي شجن

والهموم اللي بقلبي ثايره
أتعبتني واشغلتني يازمن

ياليالي ليه صرتي جايره
ماهقيتك تقتليني بالفتن

إشترينا والبضاعه بايره
والمصيبه عمرنا كان الثمن

الجروح اللي بنفسي غايره
كيف اداويها وانسيها الحزن

آه من دنيا علينا دايره
جرعتنا بالمآسي والغبن

ليتني ماكنت وسط الطايره
ليتني شفته ولو وسط الكفن

جعل روحه وسط جنه صايره
عند ربه مايشوف إلا الحسن

والختام الوقت غصب نسايره
ياوجودي من تصاريف الزمن